اللي غدر بالجد

[وليد البسطي]

الوقت ماهو وقتنا والليالي
زادت علينا بالقسى والشدايد


حظي تعثر بين ذالك وذالي
وأفلست أنا من جمعتي للبدايد



خسرت أنا من أوله والتوالي
وأحلام ضاعت بين ذيك العوايد



من حسرتي أصفق يميني بشمالي
من كثر ماشافت أعيوني مكايد



اللي غدر بالجد شيخ الرجالي
أهون عليه يسلمك للقرايد



غدر وخيانه وخست ٍ بالفعالي
له ذمةٍ بيعت بسوق الشرايد



والله ماتصفى قلوبهم وأنت جالي
وأحذر ولو هم قدموا لك وعايد



ذا طبعهم رغم السنين الطوالي
متوا رثينه من قديم وجدايد



وليدالبسطي

[رهايف]

تسلم يا الأصيل على الكلمات الرائعه

[مريم]

[راشد]

الله يحيك ياوليد المتابع لك يجد لك قصائد في قمه القمه الله يسلم راسك

[سوسنة إسماعيل]

الله أكبررررررررر يالبسطي
والله إنها ليست قويه بل فوووق القوووة

لا هنت يابو خالد ومليوووون صح لسانك

قويه للأمانه ورائعه حكمه ومتزنه ومباشره

مليوووووووون صح لسانك

[معاذ]

البسطي شاعر مبدع أتمنى له المزيد من النجاحات فعلا مبدع

[المشاعر]

يشهد الله أنها اعجبتني بقوووة يالأصيل سجل إعجابي