صينية الرز بالقشطة والدجاج

[سوسنة إسماعيل]

صينية الرز بالقشطة والدجاج


نجي للمقادير : -
رز أبيض ( 3 بيالات رز + ماجي + بهارات + ملح + زيت ) نغسل الرز ونخليه ساعتين إلى ثلاث ساعات .. وننتسبه في قدر مويه مع اللي فوق .. طبعا لاتكثرون بهارات .. وحتى الماجي لو يحصل تقسمونها نصين بعد لأن خلطة الدجاج ماراح تقصر بالطعم وأساساً الرز الأبيض يكفيه ملح وزيت .. بس أنا أضفت له شوي بهارات عشان مايصير مدري وش يبي

- خلطة الدجاج ( صدر دجاج مقطع صغار + فلفل بارد مقطع بالطول + جزر مبشور + كرومب مقطع بالطول + بطاطس مقطع مربعات صغار مقلي + بصل + زيت + ملح + بهارات + ماجي ) نحمس البصل في الزيت وبعدين الدجاج .. وباقي المقادير اللي قلتها وحركوه لين تملون والبطاطس خلوه اخر شي << احس مابيه ينهرس أهم شي لاتكثرون ملح عشان ماتتوهقون العطش مايرررحم





الغرض واحد وشوله منزله كل الصور ؟ عاد جازوا لي كلهم ومالي خلق أنقي وكل واحد يناظر اللي تعجبه


هنا حطيت البوتاتوو بعد ماقضيت من تقليبه .. غثني الله يغث العدو تمصعت يدي .. لا ومن زين الطبايع .. يد تقلب فيه ويد بالجوال .. قعدت حول نص ساعه وانا اقلب هالدجاج خخخخخخ


- خلطة القشطة : نسوي خلطة مكونة من ( 3 ملاعق جبن سايل + 3 ملاعق مايونيز + علبة قشطة )



نجيب الصينية وناخذ جزء من الرز ( الباقي خلوه ع جنب بنستفيد منه بعدين )

وبعدها نجيب جزء من الخلطة بعد ( لاتكثرون منها لأننا بنحتاج لأكثرها بعدين )

الدجاج طبعا كله


وهذا شكله بعد ماصفيناه في الصينيه يلوموني وأنا أعرف أصف <<

بعدها نجيب باقي الرز ونحطه فوقه

آخر شي باقي الخلطة


ندخله في الفرن من تحت ومن فوق .. وهذي النتيجه


سمممموا وبالعافيه ان جازت لكم لاتحرموني من دعوة في فطوركم أو سحوركم .. أو في أوقاتكم المستجابه وان ماجازت لكم .. راجعوا روحكم .. الطبخ يبي له نفس تعرفون وش يعني نففففس مهوب كلن يجيده ولاهوب كل من خذ الطريقه وسواها طلعت مثل راعيها سبحان الله ناس الطبخ منا وهي منا وجايه تتنعفق << تفريغ شحنات مواعين رمضان ابد جازت لكم ولا ماجازت لكم ياجعلها محادير العافيه ع قلوبكم



من ايميلي

[خليل المحبه]

شكلها جنان والله .................................................. ...شهيه وسهله والله يحفظك على الوصفه

[يوسف]

حلوه وخفيفه

وتسلم الأيادي شاعرتنا

[قلب معاذ]

شكله خرافي ورائع والله تسلمي الغلا

[خليل المحبه]

خليت الأهل يسوها خلاص وجد لذيذه موت شكرا أختنا الغاليه السوسنه على هذا الإنتقاء الراقي