قصيدة الغيم ظميان


من عَذب (مسعودي) ومن سحر (شهران)
............................ومن ريحة( اهلي) ساكنين المعالي
ومن حرف ما شابه رطن أهل طهران
...........................من (بنت أشرافٍ) رجالٍ طوالي
من (راس فكرٍ) خالص الشوق مزدان
............................تشهد لي الساحات( قوة) مقالي
هزيت عود الورد وأغصان رمان
..........................وأربكت من( كلمه) سمان الجزالي
واليوم عيد اللي لها( الغيم ظميان)
............................(خضرا) رعى فيها المها والغزالي
فيها رجالٍ فكرهم فكر لقمان
...............................فيهم تُقى سببلي إللي جرالي
ودي( برجالٍ) مهابٍ وقبطان
...............................مايتبعْ شوري سوى بالحلالي
(يفطر على ذيبٍ ويمسي بضبان)
.............................ولبدوي (فزاع) أنسب عيالي
مابي مدلل آخر الليل سكران
..............................(اتزين ولاحس) فيني وجمالي
ولابي صغيَّر طول هالوقت سرحان
...............................يهز راسه بس يجهل سؤالي
وأبغي معدد يتبع الفكر برهان
............................من غير لا أحكي (تفهم خيالي)
(شاعر )يطيرني كما سحر مكران
.......................أرجع (ولاعندي خبر )وش جرالي
هذي الأماني خطها قاف طربان
.............................بفرحة الأعياد والقلب سالي
تبقى سوالف مثلما قول نسوان
....................................ولا انا والله محدٍ ببالي
خَليةٍ من حب (ماهر وضيحان)
............................أنام (وأهنى) دون حلم الليالي
وأطمح أخلد إسم (سوسن) بقيفان
..............................ماصاغها شاعر تجي بإعتدالي
والقلب أبيض يعزف الشكر الحان
...............................للي أعده واحدٍ من خوالي
والشكر موصولٍ لأخوي الكحيلان
...............................إللي بفكره غاليٍٍ يالغوالي
ويهنى السعودي بين نايف وسلطان
...........................وأقول ممنونٍ لكل من قرالي
وصلاة ربي ع النبي عالي الشان
.....................بيت الشرف وأزكى نسب) وأحتفالي


السوسنه