بــحـــــر الـــغـــــــرام

[نمر العتيبي]

السلام عليكم ورحمة الله وبركاته

عاشق فكر والحرف راقت معانيـه
------عرفت نظم الشعر لـو ما درستـه

ماهوب ورث أجدود لكن هاويه
-----وتاج الفخر بإحساس شعري لبسته

يلي صدفتك في طريقٍ مشيتيه
-----مشى معك هاجوسي ألي هجسته

والهمتي الفكر أعذب الشعر ياهيه
---وبأجمل حروف الضاد شعري بجسته

ولأمن عشقـت العشـق والله مخفيـه
------والصعب وأنا معك ماهتم دسته

هايم وفي نظرت عيونك أمانيه
-----وبحر الغرام بكل عزمي غطسته

وقارب نجاتي وسط صدرك موانيه
------وجمال غيرك في عيوني بخسته

ماهو تجني مير أنا زاهدٍ فيه
------ومكان غيرك في خفوقي رمسته

وفرشت لك بين الضلوع ومحانيه
-----وكيف الغلا ماحرقه لأمن حمسته

أمده ألك بشوق وأنتي تقهويه
-------وأفرح بحبي يوم بذنك همسته

الروح فدوة رمشك وقلبك افديه
------وشرار عشقي من عيونك قبسته

أبا ترك الماضي وابنسى طواريه
----وكف الرضى في حاضري معك بسته

وقليب عمري جم تـروي سوانيـه
-----حبل الرشاء بالعمر وان طال قسته

وعلى محال القلب بالصدر طاويه
------بإحساس من قلبي بجوفك غرستـه

من عذب روحك باختيارك سقيتيه
-----وعن العواصف في خفوقي حرسته

وإثمار هاك الغرس بيديني اجنيه
-------وان طالت المده وشوقي حبسته

عندي امل في بكره وشمعي اضويه
-------والياس نوره في حياتي طمسته

في غيبتك ياكثر من قال وش فيه
--------والغيم بيدي لا حضرتي لمسته

ولسمع لقول أهل العذل والمشاريه
--------و العذر لاغبتي لك أنا ألتمسته

[سوسنة إسماعيل]

ماهوب ورث أجدود لكن هاويه
-----وتاج الفخر بإحساس شعري لبسته

الله وأكبر

تـــــــــاج القوافي



هلااا وغلاااااااااااااااا
نص يحتاج الكثير من الرد العميق

فقط إسمحلي الآن أن أرحب بك أستاااذي

وربي سعيده فيك وحضورك شرف لي

ربي يحفظك


مليوووووووووون ورده أستاذي

صغيرتكم سوسنه

[الحرف اليماني]

متألق شاعرنا نمرالعتيبي

[قلب معاذ]

وإثمار هاك الغرس بيديني اجنيه
-------وان طالت المده وشوقي حبسته


عندي امل في بكره وشمعي اضويه
-------والياس نوره في حياتي طمسته


في غيبتك ياكثر من قال وش فيه
--------والغيم بيدي لا حضرتي لمسته

للجمال معك تيجان مرصعه بالفيروز والأوركيد
نص فاخر متوج
ننتظرك دوما