سامح ترى قلبي على طوع أمره
وآشوف قلبي شور لفراق طايعه

جايع ويحلا صومي بحشف تمره
لو تعرض أصنافك ترى الكبد لايعه

إمقدر الدمعه من الذنب حمره
قدر الجروح إلي بقت عام ذايعه

أضحى رماد إلي مسى أمس جمره
وما للرماد إلا نسايم تشايعه

أدري الندم رجعك والنفس ذمره
وأدري الحنين قيود لأقدام صايعه

وادري الجرح إن ناب،لعذار طمره
وآنا طمرت جروح بأعذار مايعه

ودعت عندي من نقى الهم زمره
وملزم على قلبي يوفي ودايعه

وصلك صحوتي والجفا عنك خمره
وآنا نديم الكاس حلوه و لذايعه

قبل المصافح زند لطعون شمره
ودي أشمرلك خفوقي ووجايعه

صعبه تعمر لي بكفك تدمره
وأصعب تصبر نفس للكيد جايعه

مايقنع إيماني عن الحج عمره
صار الكثير وماتواحي وقايعه

بعتقك غير أقول لله آمره...
...جرحي وعلى لفراق
"النفس طايعه".
كل الود