فقر الجيوب احلى ولا هزعة اذلال=ترغمك تقعد مقعدٍ ما يسرك
وصبرك على جهد البلا واشهب اللال=قدهو ولا شيٍ حلاته تضرك
وامر الله اليا صار ما منه معدال=مقسوم ربك لازمٍ انه يمرك
واكبر خطا لاصرت جاهل ومختال=مجبور تاقع في محابيل شرك
ومن لا يعينك وانت للحمل تشتال=لا ترقب ابعيره لحملك يبرك
ومن صد عن ماجوب الاجواد واحتال=لا ينتقد وقته ليا ما تورك
واعطاه بقفايه ودبر ولا سال=واشر وقال الوقت لا لا يغرك
يالادمي قبل المخاريج مدخال= اعرف مدخيلك قبل ما تحرك
واعرف ترى نص السعد راحة البال=حتى ولو ماقيل لله درك
ماهوب شرط تنكتب بين الابطال=وانت اكبر همومك برادك وحرك