اقتباس المشاركة الأصلية كتبت بواسطة عبدالله الشمري مشاهدة المشاركة
واقف واشوف الناس واسمع لها صياح = واقول رعب الناس فرصه ثمينه

اهل القلوب الساليه ليه ترتاح = مايجتمع بالقلب طهر وضغينه
ياسوق الاسهم فوق لحدود الارباح = واصرع ضعيف العزم عند الخزينه
عهد الخديوي راح والعرش قد طاح = والنيل باقي ويتجدّد معينه
آدم يقول الصبر للخير مفتاح = واقول بعض الصبر ذل وغبينه
مدينة افلاطون سكانها اشباح = ابا احكم الاشباح هم والمدينه
وابا ادخل القلعه بمليون سفاح = حتى حمورابي يشاهد بعينه
على مقابرهم يقيمون الافراح = البرمكي واللي مشا في ضعينه
مابالمغاره لأهل الكنز مصباح = افلس علي بابا وتبّت يدينه
ماتفرح الصبخى بالانتاج فلاّح = فيما مضا جاه الخبر من جهينه
سحاب صيف بروق ورعود ورياح = قض المضاجع واستباح السكينه
الجني الاعور معه جيش وسلاح = تودّدوا له لأنهم حاذرينه
وجه الغضب في كهف تحضير الارواح = شمس المعارف ماسكه في يمينه
على البحر يطفو مكاتيب والواح = وعلى شفا الجودي بقايا سفينه
هذا الغضا من حر فرقاك نوّاح = يامالك ابن الريب حاله حزينه
جرير له وارث من الناس طمّاح = ماهو من اصلابه ولا الجين جينه
حفيد ابو تمّام ترميز وايضاح = ماهو مهم ان كان تفرق سنينه

ماجيت يالنعمان للجوخ مسّاح = لو يرجح الميزان في كفّتينه

مافاهم شي الفيصل اليوم!

حفيد ابو تمّام ترميز وايضاح = ماهو مهم ان كان تفرق سنينه

أرحب ثم أرحب ثم أرحب

الشاعر المخضرم عبد الله الشمري
لك بصمه راقيه مليئه بالصور المدهشه والعظيمه
والقصائد العظيمه

لكن أنا أتمنى لو تكون مسابقه على هذي القصيده
لانها فعلا كلها شخصيات تاريخيه
أو تشرح لنا على السريع
او يعمل لنا موضوع لشرح القصائد الرمزيه
اخوكم الفيصل