اول زماني ماعرفت التعاسه=واخر زماني دمعتي فوق خدي
اسقاني الوقت المراره بكاسه=دنياي تاخذ مني ولاّ تردي
يازين وقتي جار ماقوا مراسه=ابني خيال وحلم غفوه وهدي
وطال الطريق ولا قصرلي مقاسه=حافي قدم ضيعت وشلون اردي
والجفن عيا يهتني في نعاسه=هجسٍ يقربني وهجسٍ يودي
الله خلق واعطى وخذ من جناسه=دبرة اله الكون ماهو بيدي
نصبر ونور الصبح يجلا الغلاسه=يفوز من يصبر وثابر وكدي
وحيد من دونك ولالي بناسه=مالك في العالم شبيهاً وندي
باشه لك الحق الولا والفراسه=اذبح معي همي يمينك بيدي