يامجرمه فالشعـر وشلـون تقويـن
.......... ترويض خيـل طروقها والقوافـي

يامجرمٍ وسلاحك اليوم حرفين
منته على بعض الأحاسيس خافي

على رقاب السلطنـه يـوم تهويـن
.......... من هيبتك مثل السيوف الرهافـي
جتني حروفك للوطن بين قوسين
جتني وأنا من مثلها ما أعافي

يالسوسنه للشــعر تبقيـن للديـن
.......... ياأعذب أداب الجزل والحق وافـي
يا الحر الأشقر سَّطرك بالدواوين
راس الجزاله ما تجي بالخفافي

من جود فكرك .. سلسبيل المضامين
.......... قراحـك النقـروش ياعـد صافـي

وزنت دولة فكر كونت تكوين
هيبة ملك للشعر مابه خلافي

وغطاط نور الحـق مافالـه بزيـن
.......... الله وأكبـر ياخـزامـى الفيـافـي

والجمت أرجل شاعرٍ بالميادين
يخلع لك العمه وينصاك حافي

هنـا وشـاح ٍ للطهـاره عناويـن
......... ثوب ٍ من العفـه لبستيـه ضافـي
يا ابن السعوديه ويا ساكن العين*
مشروب نظرة غّرق بذي الضفافي

ياأعف وأطهر قلب وسط المزاييـن
......... مايختلف لو جاء الزمـان أختلافـي
يا يوسفي الوجه أتعبت لي العين*
ما فارقت صورت خيالك شغافي
يالسوسنه وإسمك فخـر فالدواويـن
......... حيثك غموض ٍ من وضوحه يشافي
هو سعد بن نايف سطع بين نجمين
كوكب عداله ما لمزه إنحرافي

وثقتهـا بإسمـي وقافـي وتدريـن
.......... الحرالأشقـر بصمتـي وأعترافـي

غطى على أهل الخليج المحاسين
حسن الرجوله فوق هالوجه طافي*

أستغفر الله ممتلي الوجه تلوين
كني خجلت أقول والرد كافي

تفهم على مابين ما خط سطرين
والشمس نور الوجد ع الحرف طافي*

لا أقول إلا صح فكركم وبدنكم
شاعر وشاعره
في القمه
وامتعتونا بقصيدكم
الراقي