ياشهد صالح إرحمي باقي الناس***مادام صــــــالح قد عجز في حروفه
وش عاد سوسن لو تجيلك بالإحساس***تجمع أحاسيسه وتشرح ظروفه





من زود قدرك يعلن الحرف الإفلاس***يكفي رصيد الحـــب مالي رفوفه
يافتنــــة العالم ويا قد مــــــياس***كل الضــــــــــــحايا همها منك طوفه



ما لوم من يعجز أياعطر الأنفــــــاس***ومالوم شاعر يحملك في كشوفه

أبـــــــوك من بين البشر مثل الألماس***فارس لمع برقه ورتب صفوفه



يابنــــــــت صالح قدركم بين الأقواس***قدر المعزب بين جملة ضيوفه
ملبوسكم عــــــــفه وأكرم به لباس***والطهر من طهرك يخضب كفوفه

ياســـــــــيدة هذا المسى إرفعي الراس***مادام حرفي شاهر ٍ لك سيوفه
يختال رمشك بين نظرات الإنعاس***كن الوسن يمنع عن الطرف شوفه

يامالــــــــكة طيب النسب حشد حراس***يامربكة بدر الدجى في نصوفه
ياساكـــــــــــنة قصر المعاني والأجراس***ناقوسها دقت برعشة دفوفه

وياليت تحلا رشـــــــــفةٍ بآخر الكـــــــــاس***ويروق للي مثلها مانــعوفه
وختامها ياشــــــــهد يابنت قرناس***له بصــــــــــمةٍ بالفكر تشرق بنوفه

يحفظك ربي من حـــــسودٍ ووسواس***ومن شر حاقد يرمقك في حسوفه
وشفت الـــجبل بك راسخ الفكر والساس***ويدوم نور الغامدي مع هنوفه

سوسنة إسماعيل