سـر البدر !! (يوتيوب )

[واثق الخطوة يمشي ملكا]

هلاااابك أخوي الغالي : الملك يمشي واثق الخطوه ..

سعدت بمرورك .. المشرف .. أستاذي ..

نعم .. الـأبيات لــأخوك : سعد المسعودي ..
بالطبع مختزلة من نص .. نزف على غرض شاعري يتنفس
ومن تاريخ النزف عام 2009 م
وحتى تاريخه .. هذا اليوم
لازالت الإجابة مفقوده رغم كثر المحاولات ..

ولك وبكل شرف النص بإكمله

..

أنكان به فالعرف ناشـد ومدلـول

_______ يقـرأ مضاميـن البيـوت السمانـي

أنا الهبيل ... أنكان فالطيب مهبـول

_______ وأنا الأديـب ..وصـح والله لسانـي

وأنا الرساله .. بس من دون مرسول

_______ وأنا طروق القاف .. جزل المعانـي

وأنا على ماقيل . من غيـر مسئـول

_______ وسط النجوم .. سهيـل نجـم يبانـي

مجهول غيب العمر .. فالعمر مجهول

_______ ولادام عمر إنسان .. والعمـر فانـي

مادام تعطي .. دون تأخذ على طـول

_______ لاعج عطر الحق .. سيء وحسانـي

ياطيبها وسط الموازيـن محصـول

_______ ماهيب عشرة مـن حصدهـا ثمانـي

سيل العطاء وإن خالفه منّ ممحـول

_______ والحق مثـل السيـف حـد البيانـي

ياحي وسطك ميـت اليـوم مقتـول

_______ مرحوم حي ٍ مات خلـف المحانـي

واقع يصور واقـع اللغـز محلـول

_______ محلول بـس الحـل مالـه ضمانـي

وطاح السؤال وفاقد العقـل مذهـول

_______ لاخان نون العين .. دمـع العيانـي

وش فاد عقل الفكر .. والفكر مشغول

_______ هذا السؤال وهـز عـرش الكيانـي

هم ٍ يخج الجوف بالعرض والطـول

_______ واللي كتبته .. كيف عود قرااانـي ؟

دام الرجاوي رحمـة أمالـي تهـول

_______ ولا المكان أجلس بصدر المكانـي

مليت اساوم خطّر النـاس فـي زول

_______ حتى ملت صدري جـروح الهوانـي

ما أقول أنا بـس البلاماأقـدر أقـول

_______ يارأس مالي مـوت حلـم الأمانـي
....

كما أتشرف بمروزك عبر هذا الرابط
http://alsawsanah.net/vb/showthread.php?1874-

أخوك : سعد المسعودي

الحرالأشقر.

ماشاء الله عليك والنعم فيك وفي القصيد الرائع
والفلسفه جميل جميل واصل العزف
بصراحه منتهى الشاعريه والجمال