غـــيابك






تماديتي غيابك يا ترى وش حال فرقاك
نسيتي نبضنا الواحد تذكّرتي محبّتنا


سهرتي هالليالي لوم بعدك وين ودّاك
حزمتي أمتعة حبك رضيتي في تباعدنا


أنا يمكن تناسيتك ولكن كيف أنساك
انا مقدر على بعدك وربي لا تفارقنا


عيوني تحتري شوفك ولكن وين ألقاك
حبيبي يا بعد روحي أبي ترجع سوالفنا


فقدتك حيل يا عمري فقدتك وين ممشاك
كفاية خلنا ننهي بقايا سود ليلتنا


انا آسف حبيبي رد لي بالحيل أبغاك
طلبتك بالغرام اللي تمادى في دفاترنا


أليمه لحظة لفرقا وإحساسي أنا جاك
يدور عن أحاسيسك وقلبك في قصائدنا


تماديتي غيابك يا ترى وش حال فرقاك
نسيتي نبضنا الواحد تذكّرتي محبّتنا


ناصر الهاشمي