toaste pockets

[سوسنة إسماعيل]

صباح الخير


اليوم عندي لكم طريقة عمل مخابي التوست ..


واهي فكرة سهله وحلوة .. وسموها مخابي التوست لأن النتيجة إنها راح تصير مثل المخابي ( الجيوب )


عشان نحشيها .. منقول


المقادير




توست .. الكمية تكون حسب الرغبة
بقصماط
بيض
طحين
شوية ماي لعمل طحين للصق التوست
زيت للقلي
حشوات لحشي المخابي بعد تجهيزها حسب الرغبة
عن نفسي استخدمت 3 حشوات ( لحم مفروم بالبطاط ، طلياني ، جبن تشدر بالمايونيز )
وممكن نستخدم أي حشوه احنا نحبها .. سواء دياي أو لحم أو خضروات ...



الطريقة


نرق التوست بمرقاق العجين ( الشوبك ) ويفضل بدون إزاله الأطراف عشان لما نقصهم بعدين يكون الحجم متساوي ..






نحط كل شريحتين توست فوق بعض وبعدين نقطع الأطراف اللي مانبيها .. عشان بالنهاية يصير حجم الشريحتين متساوي ..
وممكن لما نقطع التوست نقطعه على شكل دوائر طبعاً حسب الرغبة .. آنا أفضل هالشكل ..






نلصق أطراف التوست مع بعض بواسطة ( طحين مع الماي .. نستخدمه للصق )






نغطي التوست بالطحين عدل وخصوصا الأطراف ..






نغمر التوست بالبيض مثل اللي بالصورة ..








نغطي التوست بالبقصمات عدل وخصوصاً الأطراف ..






يصير الشكل مثل اللي بالصورة .. بعدين نحطه بالفريزر لمدة نصف ساعة قبل القلي .. أو ممكن تزهبينه من قبل وتخزنينه بالفريزر لليوم إللي بنطبخه فيه .. عن نفسي زهبته من يوم قبل .. لأن بنفس اليوم أحس يصير تعب مع تجهيز الحشوات ..






نقليه بالزيت ليما يشقر لونه .. ونلاحظ إنه انتفخ من الوسط .. مثل الصورة .. وبعدين نقطعه بالنص إما على شكل مثلثات أو مستطيلات .. طبعاً حسب الرغبة .. وإذا كنا مسوينه على شكل دوائر فراح تصير أنصاف دوائر ..
ونلاحظ بعد مانقطعه إن الشكل صار جنه مخبى فارغة طبعاً عشان نحشيها ...






بالنسبة للحشوات اللي استخدمتهم ..
أول شي حشيته بالجبن والمايونيز
( نقطع جبن تشدر لمكعبات .. ونقطع لنا طماطتين أو ثلاث حسب الكمية اللي نبيها إلى مكعبات .. ونحط عليهم قفشة ولا 2 مايونيز طبعاً حسب الكمية )






ثاني شي .. كنت مجهزة حشوة طلياني وإن شاء الله أنزل لكم موضوع عن تحضيره






ثالث حشوة إستخدمتها كانت لحم مفروم وبطاط ..
( نحمس اللحم المفروم مع البصل ونضيف له بهارات وشوية معجون طماط .. ونكون مزهبين مكعبات بطاط مقلي نخلطها معاه ) وممكن نحضره بالطريقة اللي نحبها ومتعودين عليها ...








وبس يصير جاهز للتقديم






وألف عافية على قلوبكم


وأتمنى تكون عجبتكم الطريقة


تحياتي ...

منقول

[راشد]

السوسنه روعه راح أطبقها سهله جدا بس بحشيها جبن أسهل هههه
يعطيك ألف عافيه أستاذتنا القديره

[المشاعر]

الله الله الله حلووه حق الأولاد للمدرسه ههههه أساعد المدام شوي
الله يعطيك ألف عافيه شاعرتنا

[يوسف]

يمي يمي يمي
بسويها وبطرشلك مع أبرار من ترجع ههههههه

[الفيصل]

ليش أحس ذوقك دايما فيه فكره جميله
فعلا روووعه

[لعيونك السود]

سريعه بس شكلها لذيذ تسلم يدك السوسنه