مشاركة متواضعة أولى .. آمل إن تجد ولو القليل من الإستحسان .

...
,,
.





ماجيت أجرب حظي .. أفوز .. ماأفوز
ولاجيت أجرب طعـم مـر الخسـاره
الرقم قـدام آصـل الـدور محجـوز
وراع الصـداره مركـزه فالصـداره
هذا وأبه غيـري مداغيـش ورمـوز
مثل الكواكـب تعتلـي فـي مـداره
هاذي شواهد بصمتي .. لأسمي بروز
وتفـاوت الأفكـار عـرف وصقـاره
الشعر وش به يشكي البـاس والعـوز
علـى عمـاره نـاس تبنـي دمـاره
غدا جناب الشعـر منفـي ومهـزوز
قلـل قليـل العـرف قيمـة وقــاره
فكر ٍ يجوز يخـون شعـار ويجـوز
شعر ٍ يخون الفكـر وقـت أختبـاره
وشعر ٍ على تشفير وأسقـاط ولغـوز
في قمـة حضـوره سقـوط أعتبـاره
العرض فردي لكـن البيـع بالجـوز
أمـا بخشـم ريــال ولا أستـعـاره
ياللي على أعجاب الجماهيـر بتحـوز
لاهنـت تحصدهـا بمعنـى العبـاره
كذا إذا بالفعـل تقـدر علـى الهـوز
هـز الرواسـي بـالأدب وأبتـكـاره
والاّ فلا بيـرق لحضّرتـك مركـوز
هيكل بـلا فكـره ومعنـى أستثـاره
هذا مجرد رأي ماأقـول لـك جـوز
بس أنتبـه كبـدك .. وفقـع المـراره
والكنز في صندوق الأسـرار مكنـوز
والفكـر مفتاحـه وقـدح الـشـراره



...
,,
.

أخوكم : الحرالأشقر