((على ميعاد ياجرحي))

أبي أرجعْ
ثلاث سنين بس للخلف
ولا أفتح أنا هالباب!
ولا أجمع
حُطامي بعد موتَ الحلمْ
ويموت
الحلم يا ميعاد
ولآ باقي بعد أصحاب
ونحنا غُرب نحنا غُرب
أبي أرجع ثلاث سنين بس للخلف
وأقبل كل شروط العقد
لوجودي
على أرض السراب
النازف المنهار
وجَّمع باقي أشيائي
وعطري والدُمى
اللي
تراكم عشقها بطفله!
وعلى ميعاد
ياجرحي على ميعاد
حنيني
بسمة الذكرى
معا خوفي ...معا الرعشه
أموتك وانتهي ياعمرْ
وأنا أدري ما بقالي عمرْ
وكم أعطيتك أنت العمرْ
وعلى ميعاد ياجرحي على ميعاد
وجع
آلمتني ياعمرْ
دمع
أرقتني ياعمرْ
ولا باقي بعد أصحاب
ولا باقي بعد ذكري
وأنا أغسل حلمي الميت
وألفلف حوله الأكفان
ياعميا
ما بقالي نور
وأبصر بالبصيره باقي أحلامي
هنا تنهار
هنا تنهار سوسنتي
هنا تنهار
وآه ياسوسنه يا حلمي المدفون في الذكرى
وعلى ميعاد ياذاتي على ميعاد
وأبي أرجع ثلاث سنين بس للخلف
وأقفل كل بيباني
وأمسح كل أرقامي
وأغير كل أحلامي
وهدف لوجود سوسنتي
وأغير إسمي وشكلي
وأحلف إني معرفني
وعلى ميعاد ياجرحي على ميعاد
ذبحتك وجيت لك أبكيك
وجعلني مول ما أبكيك
أهز الراس
عسى بل يمكن أتذكر
أنا من ويت جيتك تو؟!
وأنت مين يا ماضي؟!
حصل وفتحت من طيبي أنا هالباب
وسحبني باقي الموت المقدر للوجع/صدمه
وتكسر نصفي الباقي هنا ترميم
وبعدها ما أبي تعليم
هنا يشهد بصدقي كل نزف الحبر
هنا يشهد بصدقي كل نزف العمر
هنا أقسم بربي ما بقالي صبر!
وعلى ميعاد ياجرحي على ميعاد
كبرنا /لحظة/فجأه!
مقدر/والعمر /كتفه
عجز يحمل ثقل دمي
عساني احس ع دمي
وأسكر كل حرفٍ يحكي الموضوع
كبرت والجرح يكبر
ولا أبغي إني أتذكر
وأقسم
بالذي سوى
بناني
وأبدع فخلقي
أنا من بعد هذا اليوم
قسم ما أشوه وجوه القصائد
بالحكايا ذي
وبدفن كل هالماضي
مع الماضي
وبعيش اليوم
وعلى ميعاد يا جرحي
وفيت وجيت ع الميعاااد
وعساك تحس ياجرحي على دمك!

سوسن اليماني
سوسنة إسماعيل