قصيدة ويرضيك؟!
و يرضيك
من بعد هالعشرين عام
كل ما امرَضَكْ
يصنفوا فيني المرض فاقد حنان....
وأشربك في كل عَرض من هالمرض ترياق
وأرتعش كلي وله وإرهاق...
ويرضيك
في وجه أختي
في الدوام أتصورك
وفي صوتي المبحوح ألقالك مكان
يرضيك
في دفتري
وسط الزحام اتصورك
وأركض ورى طيوفك حرام
نظره ولو رد السلام
وانته ولا عندك خبر
ناسي باني أعشقك
بس ياترى
يرضيك
أبقى انطرك وانت حلم
يرضيك أذبل وأنتظر قطرة مطر
وانته ولا عندك خبر
تدري صغيره وبي عطش
لسه صغيره وبي عطش
كلي صغيره وبي عطش
ويرضيك
أموت وأحيى كل يوم وارتجف
يرضيك
أتوه وأسرح ومن أشوفك أرتبك
....
ويرضيك
أتعلثمك
وأقراك
وأرجع احفظك
يرضيك
أبقى لآمتى وأنا معك وما معك
أنا معك وما معك
ولآمتى يرضيك؟!
سوسن اليماني
سوسنة إسماعيل
