(اسباب همي هو)
يحذرني مــن الهم واســباب همي هو
................. ولاهو بيدري وش جاء منه ومسوي
ولا قلت لــه مظـلوم خفف علي وشو
................ يزيد الجروح ويشعل النــار ويشوي
ولا يــنفع المظــلوم لــو قــال لـو ولو
................ لواله زمـــان كـــانه الـــداب متلوي
مــن الهــم والتفكـير والمعظـله يسهو
............... وضيع صلاته بين حاضر ومسهوي
ولا ما نشدته عن سبب حالته وش هو
............... يقول السبب مدري وهو منه متكوي
ولا يشـتكي والنــاس فـي حالــته حسو
............... فضح حالته حزن على القلب متطوي
خذا مــن زمانه همه وحــالته في سو
............... ولا قــــال راح الـهــم عـاوده متقوي
اراعي ظروفه وابتسم والحشا به ضو
............... وانا كل عرق بي من الحزن متروي
واداري قساوة وقتـي اللـي علي يقسو
............... واجامل عيون في دجـا ليلي تضوي
خياله ليـــامــا مــرنــي طايــر بالجو
............... انوخ ركابي والســـعد مالـــي جوي
وسلامتكم
ابو خااااالد
