في عتبها أدبها .. !!
.. يسعد الله أوقاتكم بالمسرات ...
لقلوبكم الطهر .. النص المتواضع التالي ,,
آمل إ‘ن يرتقي لذائقتكم ..
.......
حرام ذي تطلع وتمشـي وتنشـاف
____ رحنـا ضحيـة ياعربهـا هدبهـا
راحت قلوب اللي يشوفونه أهـداف
____ برماحه اللـي مانصبهـا وأصبهـا
تتلف على أنه مانصبهـا للأتـلاف
____ والاليامـنـه نصبـهـا نصبـهـا
تخطف كما يخطف من الجو خطاف
____ طيـرٍ يشـل لياقضبهـا عصبهـا
تقلب شتاء دارٍ .. يجيها لمصيـاف
____ غـروٍ لـو أنـه مر بأبهـا قلبهـا
محاسنه عند البشر سبعـة أصنـاف
____ وعندي عشر وأيضاً حسبها ونسبها
لاقفت تهز الردف مع روس الأكتاف
____ قـارورة ٍ يسبـق طربهـا طلبهـا
تضمها سود الجدايل مـن خـلاف
____ وخدودهـا عنـي هدبهـا حجبهـا
ولياأقبلت من وين أببدأ بالأوصـاف
____ أخـاف لايجـرح عنبهـا رطبهـا
ولياأستحت يدها تقل مالها أطـراف
____ تدسّهـا مـدري قضبهـا ذهبـهـا
تحرجك لومخطي بكثـر التأسـاف
____ واللي ذبحنـي فـي عتبهـا أدبهـا
أحيان أتعمد يجـي بيننـا أخـلاف
____ وأثير مـن لـذة عتبهـا غضبهـا
شعورها واضح وصـادق وشفـاف
____ مدري ورى اللـي حبهـا مانهبهـا
لاصار لاميـت ولاجايـه أسعـاف
____ أبيعـذرونـه لانهبـهـا عربـهـا
أخوكم : الحرالأشقر
