أختي الشاعره الراقيه السوسنه
وأستاذنا الشاعر القدير عويد الشهراني
لكم كل الشكر والتقدير على جهودكم الرائعه في الإرتقاء بالشعر
وأنا أيضا سأكون بالقرب لأرقب تمازج شهد الحروف
وإهدائي لكما مما صاغت حروفكما
((((قصيدة يا عويد...فيه الغواني تعطرن بالعووود))))
ياعـــــــــــويد
* يا عويد العيد مَر وعَيَّد ...فيه الغواني تعطرن بالعود
*وأنا هموم الليل فيني تقَييد...وقالوا مابين الناس ذا محسود
وش فايدة آخذ وأنا متردد...وكل الفرص صارن أمامي سود
طعنة غدر والسهم صوبي تسدد...وشفت الحلم يدفن وهو مولود
وشلون يصبح فكرنا متجدد...وإحنا نحارب طيبنا بجحود
والبعض يحفرلي وهو يتودد...والبعض من أجلي يعد جنود
وياعويد
*و يا عويد العيد مَر وعَيَّد ...فيه الغواني تعطرن بالعود
*وأنا هموم الليل فيني تقَييد...وقالوا مابين الناس ذا محسود
وجيتك بشعري للجروح أعدد...والدمع مني سال فوق خدود
نوحي عميق والصدى يتردد...وهمي كبير والأمل مفقود
ضيعت صبحي والظلام تمدد...والدرب صاير مقفرن مسدود
متى عن عيوني العمى يتبدد...وأشوف نور الله بي موقود
وياعويد
* يا عويد العيد مَر وعَيَّد ...فيه الغواني تعطرن بالعود
*وأنا هموم الليل فيني تقَييد...وقالوا مابين الناس ذا محسود
لسوسنه
رد الشاعر القدير (((عويد الشهراني)))
(((يالسوسنه)))
يالسوسنه بعد الكلام الجيّد...اللي من الدر النقي منضود
اقول صح السانك اللي حيّد...عن الردى ومقارب المنقود
لكن ترى المحسود يبقى سيّد... لو الهموم اتقيّده بقيود
يامرحبا يالسوسنه ما ردد....طير السعد في عاليات العود
يامرحبابك والغلا متجدد....مادنّ في المزنه رزيم رعود
لولا غبون العاطفه ما ندد....جرح الظمير اللي وراه اسدود
ويالسوسنه
يالسوسنه بعد الكلام الجيّد...اللي من الدر النقي منضود
اقول صح السانك اللي حيّد...عن الردى ومقارب المنقود
لكن ترى المحسود يبقى سيّد...لو الهموم اتقيّده بقيود
ولو مانت من ظيم الزمان مهدد....ماشفت صدقك في الشعر موجود
ولو مالعرب تبغى العنب وتحدد....ماشفت كلن وده العنقود
ولو ماجنابك من ذوات السؤدد....ماشفت مثلك فارقن في الخود
يالسوسنه
ويالسوسنه بعد الكلام الجيّد...اللي من الدر النقي منضود
اقول صح السانك اللي حيّد...عن الردى ومقارب المنقود
لكن ترى المحسود يبقى سيّد...لو الهموم اتقيّده بقيود
لشاعرعويد الشهراني
"
تقــــــــبلوا مـــــــــروري
الحرف اليماني
"
