يسعدني ويشرفني إن أهدي لطهر قلوبكم . هذا
النص المتواضع والمعنون بـــ ( مركز أمارة الزين ) ..
آمل إن ينال ع الإستحسان ...
..
..
حان الكـلام اللـي تسلطـن قـراره
............... بإسمي ختمتـه وأعتمـد بالبريـدي
الشعر كوكب والفكـر فـي مـداره
............... يجلب سمين القول نبـض الجديـدي
قامت تداحم وسط صـدري إبكـاره
............... أفـواق در ٍ للـمـذاق الشهـيـدي
صوان زنـدي لاقـدح شـب نـاره
............... والصعب طايع لي و نظـم الفريـدي
وتفـاوت الأفكارعـرف ونمــاره
............... ولاكـل شاعـر لاوقـف يستفيـدي
من لانهج له فكـرة ٍ مـن شطـاره
............... أصل البلاده نبـض قلـب البليـدي
ومن لادرج له بصمة ٍ فـي مسـاره
............... مـاورّث التاريـخ مجـدٍ تلـيـدي
للعلـم مبـدأ والفخـر وأعتـبـاره
............... للهرجـه اللـي علمهـا مايحيـدي
هـذي فصاحـة هرجهـا بالعبـاره
............... عندي شهـادة حـق علـم ٍوكيـدي
العفـو لحظـه يابنـات الحضـاره
............... علم ٍ يعم البـدو وسـط القصيـدي
أمـا يميـن الـدار والـلا يسـاره
............... وشرقـه وغربـه قلتهـا بتحديـدي
بقولهـا والزيـن صـار أستعـاره
............... والله على ماأقـول خيـر الشهيـدي
حق ٍ علي النـور ماأحجـب ستـاره
............... لافاق حسن الزيـن مجـد تخليـدي
أن كان به للزيـن مركـز وأمـاره
............... سيـادة ٍ ماتحتمـل غيـر سـيـدي
الزيـن كلـه فـي مهابـة وقـاره
............... وهبـه مـن الخـلاق رب العبيـدي
زين ٍ يفوق الزيـن سطـوة نعـاره
............... اللي على كبـود العـذارى لهيـدي
وملبوسهـا للعـف ثـوب الطهـاره
............... لبيـه ياثـوب الفـرح ليـل عيـدي
تـدرون منهـي يامـلا بـالإشـاره
............... اللي لها طرق الشعر فـي جديـدي
وزود الفخر للمجـد عـز وسطـاره
............... ولبالهـا جـزل الشعـر بالنشيـدي
قمراًً تهيـن الليـل فـي عقـر داره
............... يهتك ستـار الليـل بـاسٍ شديـدي
تضرب على أغرابه بقـوة جسـاره
............... قمراءالليالـي ..سطـوة ٍ ماتهيـدي
قمـراً تعلـت فالسمـاء للصـداره
............... من نورها اللي بالسمـاء مستبيـدي
شيهانة ٍ تجمـع وصـوف النـداره
............... من كـف راعيهـا تهـد وتصيـدي
في عينهـا قـدح الزنـود وشـراره
............... لاسلهمت طـاح المصـوب شهيـدي
حورية ٍ فـي وصفهـا بإختصـاره
............... زعامة ٍ فالوقـت بإسمـه تشيـدي
مـال الصـداره غيرهـا بالجـداره
............... ماطالها فالـرووس تلعـات غيـدي
بصمة عذارى والقمر فـي شعـاره
............... تاريخ بإسم الزيـن ثابـت مجيـدي
تعلن على زيـن البنـات أنحصـاره
............... هيبـة مـلاك وسلطنـه للمزيـدي
لثارت ألهـا غـارة ٍ خلـف غـاره
............... تضرب على القاسي برووس الحديدي
تضرب على اللي حدهـن للـوزاره
............... لوالذهـب ملبوسهـن وش يفيـدي
واللـي ترقـن ليـن حـد السفـاره
............... ورفرف علمهن بالحسـن يستعيـدي
واللي تقول الزيـن حمـرة سمـاره
............... واللي عشق للغيد مملـوك الأيـدي
يابعدهن عـن زيـن خلـي وكـاره
............... اللي غدت بالقلب وأمست رصيـدي
حاولت أوصـف وأنتهـى بأعتـذاره
............... جزل الشعرعنهـا تراجـع زهيـدي
وخليتهـا ليلـي وعالـم نـهـاره
............... ف ففدوه لها أعذابي وكل الشهيدي
حب ٍ سكـن قلـب الغـلا بأختيـاره
............... وسجلت بإسمه صك قلبـي وحيـدي
واصل الشعور أحساس غير الأثـاره
............... يوم أستلـذه دون شـرط ٍ وقيـدي
ويذوب له قلب الوفـاء بإنصهـاره
............... لاهاجـت أمـواج الغـلا بالوريـدي
وختامهـا مسـك ٍ يفـوح بغـزاره
............... عطرتهـا بإسمـه علـى مايريـدي
أخوكم : الحرالأشقر
