مشاكاه لقصيدة والدي الشاعر العماني المغفور له بإذن الله ((اخلص))
((((وأهمس)))))
وأهمس أنا والنفس لا زال تطريه
.............................أنته الحبيب اللي أنا له نصوفه
تغار لني بالحلا حزت ما فيه
..............................ولن العيون تهل تدمع حسوفه
الكل يبغي الوصل وأنا النفس تنعيه
..............................خلن قتلني بذنب قبل لا يشوفه
عمري عطيته الحاء وبالميم أفنيه
..............................والدال دمعي سال ينزل بروفه
وبالألف هالملك والأمر يعنيه
............................يوم سوسنه صارت تسكن عطوفه
يانور عيني والنون خاتم معانيه
...............................يا شيخ ياديون شعري وحروفه
(..)أبو الهيثم أنا العمر أعطيه
....................................خله يعذبني بغدره وروفه
وفي وله هيبه والنفس تفديه
..................................وبغيرته له حق يطعن هنوفه
غلفت له سوسن وقلبي وما فيه
...............................وبيينت له م الحب أربع صنوفه
هذا حبيبي اللذي ساكنه فيه
.................................يا أهلي اليمانيه ما راح أعوفه
والهيثم السيد بيكبر على إيديه
.................................وقلبي ترى لغيره عالن عزوفه
للشاعره سوسن اليماني
سوسنة إسماعيل
