يا سعد و الدبلوماسي بيني و بين يوسفي الحرف الهرم سعد المسعودي

((يا سعد ))
http://www.jaralqamr.com/smiles/smil...2_data/863.gif
http://img.rjeem.com/imgcache/2013/01/57267.png
يا سعد صب الماي من فوق راسي
......................... ودي أصحصح صار هالكون تلفيق!

وإسمع شكاتي لك يابعد ناسي
............................... الأمر طارئ جود منك بتعليق

قالوا العنب حامض والتمر قاسي
........................ والماي مر و وضعنا منهو يطيق!

والأرض توقف والكواكب تكاسي
........................... وأحلامنا بالدور والواقع يعيق

لآموا جنابي والتهم شخص ناسي
................... وأكبر خطايا الشاي ماضم الإبريق!

لمحت لك بالأمر جاك إقتباسي
.................... وأنت الفهيم إللي به حروفنا تفيق

يابو يزيد أمك بكت قوم واسي
.................... رتل معي آه الوجع داخلي ضيق

إما تحل اللغز أو سِم كاسي
................. وأصفق بجنحان الرثى زيد تحليق




للشاعرة : سوسنه إسماعيل ..

/
|
/
... دبلوماسي ..
http://www.jaralqamr.com/smiles/smil...2_data/863.gifhttps://encrypted-tbn3.gstatic.com/i...Raj3M5GXDqWSrh
يامرحبا ترحيب وافي وأساسي
.......... بالخط واللي مرسله دون تفريق

البحر موجه يحتفي بالمراسي
.......... والبيد ماتروي ظماء ناشف الريق

كثر الوجيه اللي تحل الكراسي
.......... غروب شمس ٍ ماقفاها تشاريق

من لارسى فالوقت مثل الرواسي
.......... ماعلق أسمه والصحايف معاليق

صرف الذهب ماقلدوبه نحاسي
.......... للعرف ثابت والمصادر مواثيق

والثوب مايستر قصير المقاسي
.......... لاصار عيبه بيّن ٍ للمخاليق

واللي لسانه بالشهد دبلوماسي
.......... حلو ٍ نباه وخافي الصدر ماويق

قالو عنه رجال كفو ٍ سياسي
.......... وسواد قلبه من حصاده معاليق

لاصارألك فالوقت دور أنعكاسي
.......... ساير زمانك ماصفى للمطاليق

رحابتك فالصدر دور ٍ حماسي
.......... مفتاح ضيق ٍ فالصدور المغاليق

ومن يملك الخبره يطيح متواسي
.......... عنده قناعه واللــــــــيالي توافيق

واللغز لويحسن عزاء من تواسي
.......... ماجفت عصون ٍ شجرها مواريق

والشعر كيف ٍ لتحاشد عماسي
.......... أروق به فنجال كيف ٍ لياسيق

قطفت لك من وجد كامل أحساسي
.......... شعر ٍ يفوّق ملهمات الطواريق


للشاعر : الحرالأشقر