حاجة ضروري .!

السلام عليكم ورحمة الله وبركاته
يسعدني ويشرفني مشاركتكم ومشاركة اختنا الرائعه الرائعه الشاعره"السوسنه"
ارسل لها تحياتي واطرح بين يديكم جديدي علي امل ينال اعجابكم..

حاجه ضروري..!!!
------------
https://fbcdn-sphotos-a-a.akamaihd.n...93019450_n.jpg
_______________________________________
حاجه ضروري مقدر اعيش من دون.!
حاجه ضروري مقدر اصبر بليا.!
،،
حاجه ضروري سر في القلب مكنون.!
حاجه ضروري وان ظهر ماعليّا.
،،
ذا حب ياعالم كفايه تلومون
ذا حب ياعالم وفهمه عَنْيّا.!
،،
اي والله احبه وابا الكل يدرون
وافخر بحبه دام بالفعل ليّا
،،
قولوا مراهق قولوا انسان مجنون
قولوا مريض او قولوا ايات شيّا.!
،،
بعيش لعيونه علي الوصل مرهون..
مدام لعيوني بحسنه تهيّا..
،،
بهيم له في كل صحرآ بذاالكون
مدام صحراوي وانا ابن ابدويّا
،،
احبه بكيفي واشيله بالعيون
واغّمْضْ عليه امن الحواسد عنيّا
،،
لاقبل بزاهي الحسن يختال بالهون
فزيت له حيا ومليون حيّا ..
،،
قال انتبه واهدا وحاسب يشوفون.!
قلت اقترب ياجعلهم لك فديّا ..
،،
ياصاحبي خل العواذل يموتون
مدام قلت تموت ياحلو فيّا..
،،
امون ياخلي وكلي لك يمون..
وتمون ياخلي وكلك وفيّا..!
،،
مدام انا احبك وبالحب ممنون.!
نيالك بحبي وانا ياهنيّا.
،،
هيا معي خل العواذل يعرفون.!
اني ليا من قلت هيا فهيا..!
،،
هيا معي وان ما اعرفوا ماتوا اضنون.!
هيا معي واشبك يديك بيديا..
،،
حاجه ضروري مقدر اعيش من دون.!
حاجه ضروري مقدر اصبر بليا..!!!
https://fbcdn-sphotos-a-a.akamaihd.n...93019450_n.jpg
_______________________________________
وشكرا لقرائتكم وشكرا لاعجابكم وشكرا لملاحظاتكم.!
اخوكم /أبوبدرالدهمي
7/9/2012-الساعه :3:00 ص