الشوق هز الروح زلزال زلزال
**************وأنته بعيد ولا خيالك يجيني
وش غلطتي والبعد خبلني إخبال
*************لو يسرتي فجأه تساوت يميني
يافلان حس شوي يكفيك الإهمال
************قَدّر شعوري شوي قدر حنيني
والله لولا الله ثم العم والخال
*********لصرخ بعالي الصوت( أبيه ويبيني)
وأعلن غرامي للملا بصوت موال
***********وأكتب( أحبه موت) فوق الجبيني
وأذرف دموع العين ع الخد همال
************وأحضن كفوفك بين راحة يديني
لكن كتمت السر عن سمع جهال
***********وعن عاذل(ن) دوم بحكايا يشيني
وعن طارق(ن)باليل لصوت نشّال
***********وعن نافخ(ن) بالكير خوف يأذيني
ولك ياولد الأحرار ياطيب منهال
*************بينت لك حبي وشي(ن) دفيني
لا ما نسيتك مول يا طيب الفال
************لأنك على بالي وفي وسط عيني
منساك لو حط على الظهر الأثقال
************ولو إنتهى عمري وعَدت سنيني
منساك يا المزدان ماتوجد تلال
***********وما طار قمري فوق صفحة لجيني
الحب عندي مايساوى بالجبال
***********الحب نبض الروح وشخص يعيني
وقت الشدايد يوم أرمى بالأنبال
**************أشوف بعد الله حب يحميني
وأن كنت في فرحة والحظ منزال
*************ألقى حضن بالود قام يحويني
هذا نصيبي والهنى قهوة الهال
************مراراها حلو(ن) بشفة سجيني
ماهتز لي منك ولا يوم فنجال
*************دايم لسان الحال هات وعطيني
للشاعره سوسن اليماني
سوسنة إسماعيل
