257-ثوب الغدر للشاعر محمد المضيبري وصدى السوسنه

http://www.baqofa.com/forum/upload/2...408_051909.gif
اللي يقول أنه غدربه خليله


....وماني مصدق كان عندي كما الروح


قله على التوقيت في ثلث ليله
.........يرفع يده والخد بالدمع مسبوح


ويصبر ولايبين لغيره دليله
......لين الفرج يأتي من الرب مشروح


لأني عرفت أن الليالي بخيلة
....والركض خلف الوهم مافيه مصلوح


ولأني عرفت أن المقدر يجيله
.....وأخر قرار أنك على الأرض مطروح


والغدر ينبع من قلوبٍ عليلة
.......وأحذر تسل الغدر لو كنت مذبوح


لأنه ولو يحميك لبسه فشيلة


........عارٌ عليك يكون من وين ماتروح


شعر الأستاذ الشاعر محمد المضيبري


http://www.baqofa.com/forum/upload/2...408_051909.gif


حّيَّ الله اللي له قصايد جزيله
................راعي الفكر والشعر بالسر مفضوح!
بوباسل اللي ما نطق بالهزيله
..............ابن الأصول اللي نرقق له البوح
غنت له الأشواق ليله وليله
...............حتى ثمل من كان بالعشق مجروح
الغدر يأتي من نفوسِ ذليله
..................لا جا بها سيد و لا تسكن صروح
ما يغدر الا نذل حطه وشيله
................النذل يبقى نذل والأمر مشروح
خلي خليلك من عيال الثقيله
..................راعي الوفاء اللي تّفَداه بالروح
وابعد عن دروب العناء ذي طويله
.....................والهم مهما طال لا بد بيروح


ولا تتبع الخَّطآء في كل ميله
....................وأللي شكالك م الغدر غدره ينوح
الخاين يخَّوِن ولا به مثيله
.........................يأذيك بأفعاله ولو عطره يفوح
واللي يدنس بيض صحف القبيله
.........................لاحي به والعار بالنار ممسوح
والستر ما يحصل بدار الرذيله
..................والله على كل البشر حافظ اللوح



بو باسل الأشعار لأجلك قليله


.....................والرد مني لو عجز قول مسموح



باشر حياتك بالمزايا الجليله
............وصلي على خير الورى والنبي نوح
شعر السوسنه