-
قصيدة مابي حد يحضر
((مابي حد يحـــــضر))
http://2.bp.blogspot.com/_rZSRR8nNjt...600/-_1_~1.PNG
قبري حفرته وما أبي حد يحضر
يوم الوفا أصبح بدار المســــــــنيين!!
في صدر أعدائي عسى الهم يكبر
وأشوف فيهم يوم يهني المهنـــيين!!
وش إللي بقى لي يازمن عشان أخسر
دام النســـب أصبح يباااع بخماسيين!!
دمع الشيوخ م الجوع ياخوي يقهر
يومٍ غلت أســـعارحتى الــــمواعيين!!
ياويل دفتر عاف قلمه وتكبر
يوم المثقف صار يقرى الفـــناجيين!!
أقول دام العقل فيهم تكور
أحسن يعدونا ضـــــــمن المجانيين!!
هذي خوارق منالهم تصدر
أو مثـــل مافسر يوسف للمساجين!!
ودي بجرحٍ وما أبي الجرح يجبر
دام الوصل ما جاب غير الملاعيين!!
هو قد هواها وقد تسمى بعنتر
مايدري عبـــــــله باعته بالملايين!!
آه يازمن أغبر علينا وأكشر
خلا الطفل يطلب بزحمة مساكيين!!
أواااااااه يادهر الدني به تأمر
ورقاب أسياده عليها السكاكيين!!
يافرحة عن زندها ماتشمر
متى يصير الدين مثل المحاميين؟!
يعود الفاتح وحطيين تحضر
ويعمنا الإيمان ونغدوا محبيين!!
ياهكذا ولآ تعال لي وصور
آخر صور فكرٍ فنى دون تكفيين!!!
سوسنة إسماعيل
