السلام عليكم ورحمة الله وبركاته
عاشق فكر والحرف راقت معانيـه
------عرفت نظم الشعر لـو ما درستـه
ماهوب ورث أجدود لكن هاويه
-----وتاج الفخر بإحساس شعري لبسته
يلي صدفتك في طريقٍ مشيتيه
-----مشى معك هاجوسي ألي هجسته
والهمتي الفكر أعذب الشعر ياهيه
---وبأجمل حروف الضاد شعري بجسته
ولأمن عشقـت العشـق والله مخفيـه
------والصعب وأنا معك ماهتم دسته
هايم وفي نظرت عيونك أمانيه
-----وبحر الغرام بكل عزمي غطسته
وقارب نجاتي وسط صدرك موانيه
------وجمال غيرك في عيوني بخسته
ماهو تجني مير أنا زاهدٍ فيه
------ومكان غيرك في خفوقي رمسته
وفرشت لك بين الضلوع ومحانيه
-----وكيف الغلا ماحرقه لأمن حمسته
أمده ألك بشوق وأنتي تقهويه
-------وأفرح بحبي يوم بذنك همسته
الروح فدوة رمشك وقلبك افديه
------وشرار عشقي من عيونك قبسته
أبا ترك الماضي وابنسى طواريه
----وكف الرضى في حاضري معك بسته
وقليب عمري جم تـروي سوانيـه
-----حبل الرشاء بالعمر وان طال قسته
وعلى محال القلب بالصدر طاويه
------بإحساس من قلبي بجوفك غرستـه
من عذب روحك باختيارك سقيتيه
-----وعن العواصف في خفوقي حرسته
وإثمار هاك الغرس بيديني اجنيه
-------وان طالت المده وشوقي حبسته
عندي امل في بكره وشمعي اضويه
-------والياس نوره في حياتي طمسته
في غيبتك ياكثر من قال وش فيه
--------والغيم بيدي لا حضرتي لمسته
ولسمع لقول أهل العذل والمشاريه
--------و العذر لاغبتي لك أنا ألتمسته
