-
سلطنة ذوق سوسن
قصيدة سلطنة ذوق سوسن
يا كيف تهجيني وأنا هجيك يا أنت؟!
..........................وأنت الملك في سلطنة ذوق سوسن؟؟؟
جرحتني وأقول لك ألف لا هنت
..............................وهددتني والموت م الخوف أحسن
نسيت أيام الوفى جعل لا كنت
............................ولا كان يوم اللي على الشط يرسن
مراكب أشواقي وأنا للعهد صنت
................................وشوف اغصاني معك كيف يبسن
ياونتي والدمع يفضح وبينت
................................رسايلك يالشمري كيف يقسن؟
بكيتني جرحتني كيف ما لنت؟
...............................ماشفت دمعي في طواريك يمسن؟
ماتذكر أبيات المدح فيك كونت
................................وأول عيوبي شفت فيني صغر سن
بهجيك بأشعاري وبالرد لي دنت
................................ماعض لي من صبع بحسرتي سن
عبدالله أشهد إنك العمر لونت
...............................وجعلتني أعجز وذا الكف محسن
ملزوم تجبر خاطري منك أمنت
.................................ومازال حبك ساكن بصدر سوسن
الصدى
-
-
-
-
-
-
http://img338.imageshack.us/img338/8...add8acd8ae.gif
غنيت مسحوب القصايد وهيجنت
..............................ولبّستهن لبس الكرامه ولبسن
يرقص براسي هاجس الشعر واذعنت
.......................وكتبت ما يلهج به قلوب و ألسن
ابيات من شعري بالاعذار عنونت
.........................هجناً هجاهيجاً بالارسان ترسن
(يالسوسنه) ماكان بالشعر ضمّنت
...........................الاّ مزوح بطمس نسيان طمسن
علمي بهن في وقتهن ما تفطّنت
........................ياما وياما بين الاصحاب ينسن
(يالسوسنه) عن طاري الهجو هوّنت
..........................سطرين مزح بصادق القول عكسن
بيني وبين الغير بالعدل وازنت
...........................مبادي الاخيار حفظن وحرسن
سعيد بمجاراتك اليوم وايقنت
..........................ان الورود بشوكهن كان لمسن
مكانتك عندي كبيره وانا اعلنت
...........................بستان لك جوري ونرجس (وسوسن)
رزّيت لك شكري بيارق وزيّنت
.....................................الوانه فتنه بديباج يكسن
ملك القصائد
