الدرس كان اليوم أبن الملوح
قصيدة ابن الملوح
الدرس كان اليوم ابن الملوح
...................................وأستاذن يشرح وأنا كُلي آذان
والبعض لآهي عنه والبعض يسرح
................................وانا كمثل اللي على الدان طربان
وأحيان هو يغلط وأنا له اصحح
.................................عن هالأمور أبدا ماني بكسلان
مسكين قيس اللي أبد مَ ستريح
.........................................ليلى مجننته وأبناء ذبيان
مجنون والعاشق له العين تفضح
...................................نظرات هيمانه وحيره ونسيان
وأستاذنا يشرح وأنا له ألمح
.....................................خفف علينا شوي والله تعبان
ذكرتني بصاحب أنا له ألوح
......................................وأأشر بيدي بورده وريحان
والون الخصله وصوتي انحنح
....................................ويشلني فظهره كلينا وعدنان
وأكبر أخطاءه أنا له أصلح
..............................تابع هوى نفسه وشركون شركان
دمه عسل صافي وبالحيل يمزح
.............................وهو غدى ميدو وأنا صرت سوزان
طفله معه أفرح انا معه وأمرح
...........................واعدني من نكبر نبي نصير عرسان
وأستاذي في الدفتر إذا جى يصحح
................................ما شاف إلا قلوب وعيون غزلان
وشلون يعني بعد هالشي بنجح
...................................وإنجيت اناديله أسميه حمدان!
يلعن أبو درسن عن الحب يُشرح
..............................ضيع معه صبري وللوصل ضميان
عقدني من صغري ولا عاد يفلح
............................ من خط إتش وإس من فوق جدران
يا استاذ بس تكفى انا أبغي أروح
..................................من يوم كلمته وأنا منك طفران
سوسن اليماني
سوسنة إسماعيل
