رسم المشاعر
سلْهم الشـوق فينـي ليـه مرْسـم جديـده
وانت رسْم المشاعر وانت من يحتويها
كلّمـا نــام جفـنـك ذابــت ألـفـي قصـيـده
ولاصحت تشرق الدنيا ضيا من صحيها
صورتك هي مساري سالكه في وريـده
ولّعـت ضــوّ فـكـري والفـكـر مرتويـهـا
لاغدى حبر شاعر يرسمـك ضـاع قيـده
غيـر قلبـي رسمهـا لانّــه الـلـي قويـهـا
فـي قصيـده عزفهـا مـن يسافـر نشـيـده
وغرد الطيـر عذبـه وانثمـل مـن قريهـا
دنــدن الـعـود دانـــه دام وتـــره وقـيــده
قــوم يــا مــن عزفـهـا خلـنـا نحتسيـهـا
وانـت ياشـوق عجّـل فـي قليبـي وعيـده
الوعـد منْـك جمـره والصبـر مشتريـهـا
خـلّ عينـي تكـحّـل كـحْـل قـمـرا رغـيـده
لهفـة الشـوق علّـه مـا بـراهـا عويـهـا
مــا بـراهـا غيـابـك او رسـايـل عـديــده
خلنـا فـي حقيقـه صـوت صــوره نبيـهـا
العمـرْ صـار يمضـي والمسافـه عنـيـده
والامــانــي كـثــيــره ودّنـــــا نـبْـتـديـهـا
من قصـور المحبـه لـي عهـودن وتيـده
أسـكـب الــودّ مـزنـه والليـالـي خويـهـا
واشتياقـي تصـبّـر والـفـرج ذا عضـيـده
وجهتـي صـوب ظلـك والطـرق نعتريهـا
مــا جهلـنـا طريـقـك دام نــورك وكـيـده
البصيـره تشـوفـك والخـطـى ماعميـهـا
هـاك ميثـاق حبـري خاتمـه فـي طريـده
توصلك مع وصالـي ياعسـى ترتضيهـا
نبضها من خفوقـي رسمهـا مـن عقيـده
جوهـا فـي محبـه والسـمـاء تصطفيـهـا
