يانا فدى اللي بيني و بين الأسد اليماني الشاعر الغالي عمرو الغالبي
الشاعر اليمني القدير عمرو الغالبي جنون شاعر أرسل لي أبيات ممايقول فيها :
يانا فدى اللي كلها عز وشموخ***بنت الرجال المهره السوسنيه
وهذا ردي المتواضع وصدى ابن العم عمرو الغالبي ...
يانا فِدى اللي كلهم عز وشموخ
....................عيال عمي المرجله والحميه
عمروسقاني الشعر ابنكهة الخوخ
.....................راعي الشهامه حامل البندقيه
ياجنون انا بسألك عن ستة شيوخ
....................تجمعوا في أرض خضرا بهيه
لآهم من اللي يسكنوا داخل الكوخ
...................ولاهم من اللي بالقصور العليه
ناسٍ نسبهم واحدٍ قطعة الجوخ
.....................أصل العروبه والدماء الزكيه
وسابع اشيوخ العرب جاك صاروخ
................في راس حوثي مع دَعيَّه وسَميَّه
وياغالبي بسألك عن شِعر منسوخ
......................تجمعت حوله عقارب وحَيَّه
سوق القصيد يبيع طازج ومطبوخ
..................والناس تركض تشتري بالسويه
يا كيف يا عمرو غدى الشعر مشلوخ
...................وتجارةٍ في سوق سودى رديه
لا بارك الله بيعةٍ حرفها ينوخ
.......................ولا ربح الله تاجر الأبجديه
يا عمرو أستغرب أنا بعض المْخوخ
......................ماتفهم إلا لو تجيهم عِصيَّه
الحر يفهم والعبد دوم ملشوخ
..................وأعذر قصوري دام إني بنيه
لا أبي أطول ولا أبي راسي يدوخ
..................يكفي شرف إني أأدي التحيه
سوسنة إسماعيل
وهذا رد أخي القدير والمبدع عمرو الغالبي:
يانا فدا اللي داخل اضلوعي العوج **
..........................والشعر منها لاح برقه وضيّه
ياللي بها الامجاد والعز ممزوج **
.......................بنت العروبه العاربه اليعربيّه
حيّا وحيّا وخيل لهْجوس مسروج **
.......................للي شِعِرها ذاق الإعداء كيّه
مازاد فيها مدح لو مدحي الموج **
..................والا الفرايد في الوصَف جوهريّه
ستّه اسْألتني وْ سابع الست مدموج **
..................أصل الجميع ابها وْ بها عنصريّه
فتنه مضت : فيها غدا العقل مرجوج **
...................مدري صدقْها اِمْن الكذَب يالأبيّه
والمشكلة الاحقاد في الستّه اتدوج **
......................ماكنّ حنا ابْذا التعصّب ضحيّه
كلّ ٍ خَسَر وخسارة الكل منتوج **
.....................اقفال عقل اليا بكى احْد ٍ خويّه
ويامرحبا بالمزن لو يسحب اثلوج **
...........................حنّا هَلَه وقلوبنا نرجسيّه
وعن بيع وشراء الشِعِر ذولاه اعلوج **
...................والشعر نفس السعر وادنى شويّه
ياكثر من أعرف يبيعوه بالروج **
......................وطّو مشاعرهم ولو هي عليّه
ومادام أنتي فوق : والغير بدروج **
.......................خلّيك بشموخك وغيرك بغيّه
بيموت قهر وْ هاجسه دوم مفلوج **
..................واطلق شنب فيهم فدا لْ ذا البنيّه
جنون شاعر
