ماني على خير هذا اليوم ياناصر
........................أحس شي بضلوعي ودمعتي بخدي
مالي مزاج الحكي وأبكي وأنا صابر
.......................والضيق في داخلي والله وصل حدي
أحس إني كبيره بس أنا قاصر
.........................وأحس إني قريب يضمني لحدي
أقضي بقايا الليالي فالآسى ساهر
.......................ومن شافني ضن إني ما حدن قدي
وأون في غرفتي شفت اليتم قاهر
.......................وأخاطب الذات بس ما أفقهه ردي
مافادني طول صبري يوم أنا صابر
........................ومافدني بالتسرع طيشي وجهدي
أستغفر الله هو وحده القادر
.....................ما عاد أخالط بعدها مزحي بجدي
عفت الشعر من بعد كوني بنت شاعر
...................وعفت المشاعر وطولت بالي وودي
أحيان أحس بسعاده وواقعي باهر
....................وأحيان أحس الحقايق لاويه يدي
والسوسنه هي انا وذا وجهها الساحر
.....................رمز الجمال العماني وخدها وردي
والسوسنه شاعره كابر بعد كابر
...................لكن أحس بعجز أشرح أنا ا قصدي
وصلي على أحمد نبينا يومك وحاضر
....................عد ما عبق من شذى أزهارها وندي
سوسن اليماني
سوسنة إسماعيل
