أما بخصوص إن يكتب الشاعر .. قصيدة .. تعتبر أفضل ماكتب ..
فهنـــــــــــــا لأخفيك أستاذتي القديره ... لأعتقد بإن سوف يأتي..
يوماً ما .. وإن أفرق مابين مقامات بنات فكري.. هذا بالنسبة لي .. ويبقى القبول
لما أكتب .. مختلف حسب الأذواق لدى المتلقي :
وبهذا المتصفح الجميل ... يسعدني إن أدون أحد قصائدي ...
وهي : ( موت الحلم ) .. والذي حسب مايصلني ملامستها لمواجع الكثيرون
ممن شرفي بتصفحها .. ..
رابط الملف الصوتي لقصيدة : موت الحلم ..
ضاق الفضاء .. وأهتزت عروش الأشواق
............ وبـاح الكنيـن .. وباقـي العمريقـفـاه
طاحت على خد الشقـاء دمعـة أفـراق
............ ودمعي عزيز.. ومحجـر العيـن يمـلاه
دمعـه ولاسالـت علـى خـد عـشـاق
............ جمرة خفاء مـن نـار وجـدي وفرقـاه
نو المخيل ..اللـي علـى الخـد ينسـاق
............ حايرمحاجـر موقـهـا فـايـح ٍ مــاه
دمـع ٍ يخـون العيـن بالحـال دفــاق
............ دمـع ٍ يترجـم مـن كتبنـي و يـقـراه
واللي جـرع مـن علقمـه مـرّ الأذواق
............ يعـرف مذاويـقـه ومــاذاق ذقـنـاه
من العنـاء لامـر طيـف الشقـاء راق
............ وأضـم طيفـه وأعتنـق بسمـة شـفـاه
يالوعـة الملتـاع لـن غـاب وإن فـاق
............ وأقسى من القاسي وأنـا أعيـش رجـواه
والحزن مرهقني ..وانـا كلـي ارهـاق
............ وضعف الامل فقر الغنـي عقـب دنيـاه
بعضي ذبح بعضي على ساعـة أعنـاق
............ يـروي ظمـاء روح ٍ تعلـه وتظـمـاه
ثقـل الحمـول الجايـره فـوق ماأطـاق
............ وطبـع المواجـع فاجـع الطبـع بلـواه
واللي ورى صمـت المواجـع والافـاق
............ حلم ٍ.. يمـوت ولاوصـل غايـة منـاه
ماضاق صدر البعد.. لومالفضـاء ضـاق
............ وش علم الفرقـاء علـى الحـال تبـراه
هـم ٍ لجـا فـي داخلـي جـل ودقـاق
............ وأوجس خفاء جرحي عن الناس وأرفـاه
حزني دفين ..وساكـنٍ وسـط الأعمـاق
............ وتاهـت مراكـب رحلتـي ويـن أبلقـاه
وش فاد دمع الصبـح يانـور الأشـراق
............ يـوم الدمـوع وسـوم بأسمـي امسمـاه
خـل المصافـح نظـرةٍ منـك تـريـاق
............ ليـن العيـون تـروق شوفـك وتـرواه
نـارٍ تسـارج داخلـي تحـرق إحـراق
............ وكـن الوقايـد مـن طرفهـا مـضـراه
همـه قضابـي والصـدى نـوح خفـاق
............ وخضر الطعون جـداد مضـراب شلفـاه
واقفيت ياركب الشقـاء وقـت الأشفـاق
............ من وجد لاتعـزف علـى جـرح عـزاه
وأقفى عزاهـن بالضمايـر علـى سـاق
............ وش عـاد لويرجـع زمانـه وذكــراه
يلـوق بـي ولاّ علـى غيـر مــالاق
............ لاهـز معلوقـي مـن أقصـاه لأقصـاه
شـوق ٍ لشـوف العيـن .. لالاح بـراق
............ تزهـد علـى شوفـه وتصبـر اللـولاه
عين الفـرج ماصبـرت قلـب مشتـاق
............ ومن العناء سـده عـن النـاس ماأخفـاه
حب التجـارب مقبـرة نـون الأحـداق
............ لاصـرت لـه مجهـول ماأنتـه بويـاه
الحـب شيمـه مـن عفـافـه لـيـالاق
............ قطـف القلـوب وساقـي الـود يحمـاه
تـاج الفخـر .. يامعانـق العـز تـواق
............ عالـي مقـام ورفعتـه قــدر معـنـاه
الطهـر ينبـع مـن عفيفـات الاخـلاق
............ ولا التطبـع مايجـي طـبـع مجـنـاه
مبداي تزهر بـه وفـاء خضـرالأوراق
............ واللـي بنـاء فالوقـت مـاهـد مبـنـاه
واللـي دفعـنـي فالمعالـيـق زهّــاق
............ مـرك ٍ علـى معلـوق قلبـي بعـرقـاه
واللـي علـى بـاب الأقاويـل طـرّاق
............ وعكس الصحيح بـدارج القـول يشنـاه
وأصبحـت بلسانـك للأقصيـن لـحـاق
............ وأخطيت فـي دربـك وضيعـت ممشـاه
يكفي مسـار الحـرف يابيـض الأوراق
............ وتميمـة المجـهـول بإسـمـه مـذكـاه
..
أخوكم : الحرالأشقر
,