مجبور لأمره وإن عصيته فلج لـه
................ برهان قـول ٍماثبـت لـه مقولـه
شعري يطيع وجابره ماهـرج لـه
................ والمستحيلـه خاضعـه ومعقـولـه
حار القدم وأحتار فكر ٍ نهـج لـه
................ وأسخا من الغبـات مرجـان لولـه
شاعر وغيري فالبحر من نسج لـه
................ بحر ٍ يميّـز عدلهـا عـن ميولـه
الفكر يغزي والهـدف لادمـج لـه
................ يروي مواريـد الظمـاء لاظمولـه
رميت مغزاها وشعري سـرج لـه
................ وكسبه من الشرّد تجيـك معزولـه
نوخت ركبي في حما من زعج لـه
................ والعمرماعمّـر يـزول بسهـولـه
أنا وغيري فالهوى مـن بهـج لـه
................ وأرخص بروح ٍ لاطلبهـا عجولـه
لحيّ الزمن سيفٍ لياملـت عجلـه
................ على صليب العظم حمـوت نزولـه
قلب العناء من شوف عينه نهى أجله
................منهاج عن نهجـه مـدارج حلولـه
بحرالضياع اللـي مغاريـق نجلـه
................ ترحال ياطرف ٍ نعس مـن ذبولـه
غريق بحر الحب من مات لأجلـه
................ عبور كرته مـن ضحايـا فدولـه
يدفـع لهيبـه جمـرة ٍ تدّهـج لـه
................ من لونهـا شوقـي حمـار لقبولـه
أستيسرالخفـاق ساعـة لعـج لـه
................ فلج ٍحجبهـا مـن شفـاه معسولـه
القلب روحه مخّليـه ويهـدج لـه
................ ولاجف محجر وجنته مـن بلولـه
أعذب مناهيله مـن فـرات دجلـه
................ وأصدق من اللي في مدالج ثعولـه
نبات سكـر خلقتـه مامـزج لـه
................ ذايب مناحل سدرها مـن فضولـه
كم من ضرير ٍ داير الحول حجلـه
................ علـى ملاهيـده ثقايـل حمـولـه
أبقا ويبقى بالعطب لـو فـرج لـه
................ أغلال سجنه ماعفت ضيـق جولـه
صوت الطرب مني طروب ٍهزج له
................ على وتر حزني رقص لك زعولـه
قرأتها ثم قرأتها ثم قرأتها
الله عليك يابو يزيد
أخذتنا لجو شاعري بعيد جدا عن الروتين الشعري ،،
مثل هذه القصائد لاتعلق عليها
بل تعلق وتثبت
فعلا رائعه بحق
ألف ألف صح لسانك
يابووووووووووو يززززززززززززززززززيد
