جمهور صفق

[سوسنة إسماعيل]

((جمهور صفق))



http://www.bnt7.com/vb/image.php?u=35772&dateline=1278784658
جمهور صفق ودي تضج هالقاعه
...................فيني شياطين( بهلا) راكبه راسي
ماجيتكم( شاعره) بالسمع والطاعه
..................إلا أقول الشعر من صدق إحساسي
مايوم أحط الناس لأخطاي شماعه
................با طهر قصيد الأرض مليان كراسي
الشعر في خاطري له روح لماعه
................من صرح تاج اللفظ أختار الألماسي
الشعر صافي عسل والنفس طماعه
................مادام شعري عسل بشرب أنا كاسي
اللي إحترمنا وحضر ضوى لنا شعاعه
...................يبقى بوسط القلب مع خير جلاسي
واللي وصلنا فلا يطوي لنا شراعه
......................الود مع (شكرنا)مابين الأقواسي
واللي بشعره (هجى) برد له صاعه
..............صاعين صاع الشعر وصاعن به يقاسي
واللي تعود يغطي وجهه قناعه
..................من أجلنا كم ضرب أخماس بسداسي
له كلمتن ماتعدي قمته قاعه
...................... وراسه ترى بجزمته لابد ينداسي
ياكيف يحصر دخانه بين ولاعه
.................وسجارته ما حرقتلي طرف قرطاسي
ما المرجله لو يطول لسانه لباعه
....................... وما المرجله للعديم تباع فكياسي
لو بث في الأخبار ما فبرك وشاعه
...........................مايوم يقدر يغير ربعي وناسي
ومن شافني في الحسن فنه وإبداعه
........................يظن كل الفكر يطلع على قياسي
ما كل شي إنعرض يصلح لنا بضاعه
................. نختار طيب النسب م نخاف الإفلاسي
ربييت في موطني تحيط بي قلاعه
.......................وكبرت في السلطنه مثبته ساسي
حرفي قبل هالخطوب مشكل إدفاعه
..........................متعوده ع الحيا نطقي مع لباسي
حفظت نفسي عن الدجال وأتباعه
......................عزمي شديدن وما يخضع لهم باسي
من يتبع النمام وحلوف خداعه
.......................ماينول غير الكدر يسكنه وسواسي
وأستغفر الله عدد ماتنبت زراعه
..................وعد ما شرح من صدور وبث الأنفاسي
وصلوا على أحمد نبينا وأذكروا الساعه
...................... يوم الحشر يوم عرض الجن والناسي


سوسن اليماني
سوسنة إسماعيل