لاتعبيلي الرصيد

[سوسنة إسماعيل]

((لاتعبيلي الرصيد))

http://www.bentvip.com/up/20080617012135.jpg

لا تعبيلي الرصيد ولا توصلني بعد
....................ولا تغازلني بقصيد ولا تِدَعِيلي بصلاه

ولا ترقمني ويعني عاملن فيها أسد
..............وتبغي يعني أكون صيد تلاحقه بوسط الفلاه

ولاتناديلي سعاد ولا تناديلي شهد
........................ولاتمثل إنك مشبه علي ياشيخ لآه

زاعجني بالرسايل شفتها فوق العدد
....................كاني أصرف لك معاش أو أمَر فيها الإله

يايبه صحصح معي المسأله ماهي عِند
........................المسأله عندي شرف لاتغلي ولا حلاه

حط نفسك في مكاني وشفت مع أختك أحد
...................مكبر الصدمه ومصعب طيح قدرك من علاه

يرخصوك الناس تصبح في الحكي لعبة نرد
........................عار م يفارق حياتك لو تكون من الولاه

الشرف غالي يا اخويه وصعب من فقده يرد
........................والبنت سمعه يا أخويه تزيد قيمتها غلاه

إعتبرني مثل أختك وإحترمني ياحمد
......................وإحترم نفسك بالأول قبل ما تبلى اِبْبلاه


سوسن اليماني
سوسنة إسماعيل